Mae ein carfanau yn y Gwasanaethau Arlwyo yn hanfodol i weithrediad dyddiol ysgolion ledled y Fwrdeistref ac yn cynnwys amrywiaeth o rolau, sydd wedi'u rhestru isod.
Rydyn ni'n ymdrechu i ddarparu gwasanaeth cyfeillgar a chroesawgar, wrth ddarparu prydau iach wedi'u gwneud gan ddefnyddio cynnyrch ffres a lleol, ar gyfer cenedlaethau'r dyfodol yn Rhondda Cynon Taf.
Mae ymuno â'n carfanau arlwyo ysgolion yn gyfle delfrydol i rywun sy'n chwilio am rôl leol sy'n rhoi boddhad. Dewch yn rhan o garfan sy'n ymroddedig i gefnogi lles, twf a datblygiad plant a phobl ifainc yn ein cymunedau a'u gwylio'n tyfu.
Mae ein rolau'n cynnwys:
- Cynorthwyydd yr Ystafell Fwyta
- Uwch Gynorthwyydd yr Ystafell Fwyta
- Cynorthwyydd Cegin Cyffredinol – Clwb Brecwast
- Cynorthwyydd Cegin Cyffredinol
- Cogydd Cynorthwyol
- Cogydd
- Prif Gogydd
- Rheolwr Gwasanaethau Arlwyo
Mae oriau gwaith yn seiliedig ar weithio o ddydd Llun i ddydd Gwener, yn ystod y tymor yn unig, ac maen nhw'n amrywio yn ôl y rôl a'r safle. Er enghraifft, mae angen Staff Clwb Brecwast cyn 9.00am, tra bod angen Cynorthwywyr Cegin Cyffredinol ganol bore/amser cinio. Rydyn ni hefyd yn anelu at eich lleoli yn eich ysgol agosaf er mwyn sicrhau nad yw cludiant yn broblem. Byddwch chi'n cael cefnogaeth lawn i gwblhau hyfforddiant Diogelwch Bwyd/Iechyd a Diogelwch a lle bo angen, byddwch chi'n cael gwisg.
Ochr yn ochr â swyddi oriau gwaith contract, mae gyda ni hefyd rolau achlysurol ar gael sy'n eich galluogi chi i fwynhau hyblygrwydd gwaith achlysurol gyda buddion cyflogaeth y Cyngor, a amlinellir isod.
Buddion Gweithio i Wasanaethau Arlwyo yng Nghyngor Rhondda Cynon Taf
Gweithiwch i Wasanaethau Arlwyo Rhondda Cynon Taf a derbyn y buddion canlynol:
- Manteisio ar ein cynllun pensiwn hynod gystadleuol
- 26 diwrnod o wyliau blynyddol (pro rata) yn codi i 31 diwrnod ar ôl 5 mlynedd o wasanaeth Telir y lwfans gwyliau blynyddol yn rhan o'ch cyflog gan y bydd angen gweithwyr am 38/39 wythnos o'r flwyddyn yn dibynnu ar y rôl.
- Cynlluniau buddion a gostyngiadau staff, gan gynnwys prydau allan, contractau ffonau symudol a cherbydau, cynllun beicio i'r gwaith.
- Polisïau sy'n ystyriol o deuluoedd ac sy'n gynhwysol sy'n caniatáu hyblygrwydd pan fo angen
- Cymorth a chyngor rhad ac am ddim gan gynnwys gwasanaeth cwnsela, cadw golwg ar iechyd, gwasanaeth nyrsio a ffisiotherapi
- Cyfleoedd dysgu a datblygu yn ymwneud â'r rôl
Llwybrau i Rolau, Hyfforddiant a Dilyniant Arlwyo
Mae cyfleoedd o fewn y Gwasanaethau Arlwyo ar gyfer datblygiad a dilyniant personol. Rydyn ni'n darparu hyfforddiant llawn ac yn cynnig rhaglen cam-i-fyny i ennill mwy o brofiad. Er enghraifft, os hoffai Cynorthwyydd Cegin Cyffredinol ddod yn Gogydd Cynorthwyol; gellir darparu hyfforddiant yn y swydd, ynghyd ag unrhyw gyrsiau hyfforddi perthnasol sydd eu hangen i gyflawni'r rôl. Rydyn ni'n gweithio’n agos gyda Choleg y Cymoedd ac yn cynnig cymwysterau NVQ mewn Lletygarwch ac Arlwyo.
Y nodweddion sydd eu hangen i fod yn llwyddiannus mewn rôl Arlwyo yw ymroddiad a dibynadwyedd, sgiliau cyfathrebu a rhyngbersonol da, gwybodaeth am brosesau diogelwch a hylendid bwyd a'r gallu i weithio mewn carfan brysur.
Cynllun Prentisiaeth
Mae cyfleoedd i ymuno â’r garfan arlwyo canolog fel prentis i ddarparu cymorth gweinyddol i garfanau arlwyo a hyfforddi’r ysgol, gan ymgymryd â rôl amrywiol a diddorol. Cael gwybod rhagor am Gynllun Prentisiaeth y Cyngor.
Manylion Cyswllt
Os oes gyda chi unrhyw ymholiadau neu os hoffech chi gael gwybod rhagor am ein rolau neu eich addasrwydd ar gyfer gyrfa yn y Gwasanaethau Arlwyo, cysylltwch â ni drwy:
E-bost: gwasanaethauarlwyo@rctcbc.gov.uk
Rhif ffôn: 01443 281141
I gael gwybod a yw eich rôl berffaith yn aros amdanoch chi,
chwiliwch am swyddi gwag yn ein hysgolion.