Rydyn ni wrth ein boddau i gyhoeddi y bydd ein Ffair Swyddi boblogaidd yn cael ei chynnal ddydd Mercher 25 Medi 2024 yn Llyfrgell Pontypridd, Llys Cadwyn, CF37 4TH, rhwng 10am a 2pm. Bydd 'awr dawel' ar gael rhwng 9am a 10am.
Bydd yr achlysur yn gyfle ichi siarad yn uniongyrchol â chyflogwyr a gweithwyr, cymryd rhan mewn gweithdai a fydd yn eich helpu chi i baratoi ar gyfer cyfweliad ac ysgrifennu CV, a dechrau ymgeisio am swyddi ar y diwrnod!
Bydd dros 50 o sefydliadau yn bresennol yn y ffair ac yn awyddus i lenwi swyddi sy'n addas i bawb yn y gymuned yn syth. Bydd rheolwyr gwasanaeth a gweithwyr y Cyngor yno hefyd, o Garfan Gofal Cymdeithasol i Oedolion i Garfan y Cynllun Prentisiaethau a'r Rhaglen i Raddedigion. Byddan nhw'n rhoi'r wybodaeth sydd ei hangen i chi am weithio i Gyngor RhCT!
Os ydych chi’n chwilio am ddechreuad newydd, newid gyrfa, neu rydych chi'n dechrau eich bywyd gwaith, bydd rhywbeth ar eich cyfer chi yn Ffair Swyddi RhCT!
Ar ôl llwyddiant ein ffair swyddi ddiweddaraf ym mis Mawrth, rydyn ni'n edrych ymlaen at groesawu rhagor o gyflogwyr a phobl sy'n chwilio am swyddi i'n ffair swyddi am ddim nesaf.
Meddai'r Cynghorydd Maureen Webber, Dirprwy Arweinydd Cyngor Rhondda Cynon Taf:
“Mae'r Ffair Swyddi'n parhau i fod yn boblogaidd iawn, ac rydw i'n falch o'i gweld yn helpu cynifer o bobl i gymryd eu cam cyntaf neu'u cam nesaf ar eu taith gyflogaeth!
“Rydyn ni fel Cyngor wedi ymrwymo i roi cyfleoedd i’n trigolion gael mynediad at gyflogaeth o safon. Mae'r Ffair Swyddi'n dod â chyflogwyr lleol ynghyd mewn un lle ac yn dangos ein bod ni, fel Cyngor, am roi cyfle i drigolion gael mynediad at y swyddi yma.
“Mae cymaint ar gael ar y diwrnod. Rydw i'n annog pawb sy’n chwilio am rywbeth newydd, rhywbeth gwahanol, neu sy’n chwilio am eu swydd gyntaf, i alw heibio i edrych ar yr hyn sydd ar gael yn Llys Cadwyn.”
Bydd amrywiaeth eang o bartneriaid o fyd hyfforddiant ac addysg wrth law i roi cyngor ac arweiniad gyrfaol.
Dewch i weld yr amrywiaeth eang o gyflogwyr, gan gynnwys:
Canolfan Cyngor ar Bopeth
Yr Urdd
Catalyddion Cymunedol
Thrive Group Wales
Simbec Orion
Prichard’s
R&M Williams Cyf
Acorn Recruitment
Iechyd a Gofal Digidol Cymru
Addysgwyr Cymru
MPS Industrial
Tŷ'r Cwmnïau
Bwrdd Iechyd Prifysgol Cwm Taf Morgannwg
Gwasanaethau i Blant Cyngor Rhondda Cynon Taf
Swyddi Gwag RhCT
Gwasanaethau Democrataidd RhCT
Trafnidiaeth Cymru
Arc Rail
Apollo Teaching
New Directions
Teacher Active
VES Recruitment
Supply Desk
EE
Papyrus
Edwards Coaches
Screen Alliance Cymru
BBC Cymru Wales
Dŵr Cymru
Marie Curie
Drive
Q Care
Cartrefi
Darparwyr:
Coleg y Cymoedd
ACT
People Plus
Busnes Cymru
Cymru’n Gweithio / Gyrfa Cymru
Cyngor ar Bopeth RhCT
Maethu Cymru
ITEC
Wedi ei bostio ar 05/09/24