Topin Siocled Crensiog
4 owns o bowdr coco
1 pwys o flawd
4 owns o gnau wedi'u torri
4 owns o geirch mawr
8 owns o fenyn
4 owns o siwgr brown meddal Muscavado
Hidlwch y powdr coco a'r blawd â'i gilydd, yna rhwbiwch â'r menyn i greu cymysgedd fel tywod. Ychwanegwch y siwgr, y cnau a'r ceirch, ac yn olaf ychwanegwch binsiad o halen. Pobwch am 30-40 munud ar dymheredd o 200°C nes bod y cymysgedd wedi'i goginio'n llwyr. Cadwch lygad arno a'i droi'n rheolaidd i wneud yn siŵr ei fod wedi'i goginio llwyr ac yn grensiog. Gadewch y cymysgedd i oeri.
Gellyg wedi'u Potsio
- 750g o siwgr mân euraidd
- 1 ffon cinnamon /coed anis/clofs
- 1 lemwn wedi torri yn ei hanner
- 1 oren wedi torri yn ei hanner
- 1 pod fanila, wedi'i rannu
- 6 gellygen aeddfed wedi'u plicio
Dull
- Mewn sosban sy'n ddigon mawr i ddal y gellyg yn dynn, rhowch yr holl gynhwysion i mewn heblaw'r gellyg.
- Llenwch hanner y sosban â dŵr a'i dwyn i'r berw ac yna mudferwch y cymysgedd am 20 munud i sicrhau bod y sbeisys wedi trwytho'r cyfan.
- Ychwanegwch y gellyg i'r sosban, gorchuddiwch y cyfan a'i botsio'n ysgafn am tua 30 munud nes bod y gellyg yn feddal.
- Trowch y gwres i ffwrdd a rhoi'r cymysgedd i'r naill ochr. Mae modd potsio'r gellyg hyd at 2 ddiwrnod ymlaen llaw a'u cadw yn yr hylif potsio yn yr oergell.
I orffen
- Deisiwch y gellyg
- Cymysgwch 6 llwy fwrdd o fromage frais gyda hanner peint o hufen dwbl trwchus
- Rhowch haenau o'r topin siocled, y gellyg a'r hufen mewn gwydr tal
- Defnyddiwch blisg oren a chnau fel garnais
- Addurnwch â phowdr coco