Diweddariad Pwysig am y Gwasanaeth.
Ymateb i Bandemig Covid-19 ac Amrywiolyn Omicron
O ddydd Mawrth 4 Ionawr 2022 ymlaen bydd y cyfyngiadau canlynol yn dychwelyd i bob Llyfrgell RhCT:
- Pellter cymdeithasol o 2 fetr rhwng holl ddefnyddwyr y llyfrgell.
- Systemau un ffordd mewn adeiladau llyfrgell.
- Cwarantin deunyddiau llyfrgell sydd wedi'u dychwelyd (Eitemau i'w rhoi mewn biniau ailgylchu gwyrdd wrth fynedfa'r llyfrgell am 72 awr).
Rydyn ni'n atgoffa defnyddwyr y llyfrgell bod yn rhaid i chi wisgo gorchudd wyneb yn y llyfrgell oni bai eich bod wedi'ch eithrio yn feddygol, a bydd yn rhaid defnyddio hylif diheintio dwylo wrth y fynedfa.
Bydd niferoedd cyfyngedig yn cael bod mewn adeilad ar yr un pryd, ac mae'n bosib y bydd aelod o staff y llyfrgell yn gofyn i chi aros cyn mynd mewn i'r adeilad.
Sylwch fod y system Archebu a Chasglu yn dal i fod ar waith.
Bydd unrhyw newidiadau i'r rheolau yma'n cael eu hysbysebu mewn llyfrgelloedd, ar gyfryngau cymdeithasol y cyngor neu ar ein gwefan yn www.rctcbc.gov.uk/llyfrgelloedd
- Byddwn ni'n ailgydio yn y sesiynau 2 awr ar gyfer cyfrifiaduron mynediad cyhoeddus, does dim angen trefnu apwyntiad. Bydd rheolau cadw pellter cymdeithasol yn dal i fod yn berthnasol.
- Rydyn ni'n annog pob person sy’n benthyg llyfrau i ddefnyddio ciosgau hunanwasanaeth lle mae hynny'n bosibl.
- Mae gweithdrefnau ar waith er mwyn i staff gadw golwg ar fesurau cadw pellter cymdeithasol a niferoedd sydd yn yr adeilad, a bydd camau'n cael eu cymryd os bydd y llyfrgell yn orlawn.
- Mae sgriniau perspex wedi'u gosod mewn mannau lle gall cyswllt wyneb yn wyneb ddigwydd.
- Mae silffoedd y llyfrgell wedi'u haildrefnu lle bo hynny'n bosibl i annog pobl i gadw pellter cymdeithasol ac i greu systemau unffordd. Os yn bosibl, dylid defnyddio gwahanol ddrysau ar gyfer mynd i mewn ac allan o'r llyfrgell.
- Bydd defnydd cyfyngedig o ystafelloedd cyfarfod ar gyfer y gymuned yn cael ei ganiatáu hefyd.
- Bydd modd galw heibio neu drefnu apwyntiad er mwyn defnyddio ardaloedd Cyfeirio. Bydd unrhyw ddeunyddiau hanes lleol sy'n cael eu defnyddio yn cael eu rhoi mewn cwarantîn am 72 awr.
- Am ragor o wybodaeth, cysylltwch â'ch llyfrgell leol neu ewch i'n gwefan www.rctcbc.gov.uk/IlyfrgeIloedd.
Gwybodaeth Bwysig
Diolch am eich cefnogaeth barhaus yn ystod y cyfnod anodd yma.