Mae Lluosi yn rhaglen newydd sydd â'r nod o helpu oedolion 19 oed a'n hŷn i wella eu hyder gyda rhifau mewn bywyd bob dydd. Mae'n cynnig mynediad hawdd i ystod eang o gyrsiau AM DDIM sydd wedi'u cynllunio i wella'ch hyder gyda rhifau.
P'un a hoffech chi help i reoli'ch arian, rhoi cymorth i'ch plant gyda'u gwaith cartref neu os ydych chi am symud ymlaen yn y gwaith, mae modd i ni helpu.
Hoffech chi fynd i sesiynau un-i-un, neu sesiynau grŵp bach cyfeillgar i helpu i fagu hyder a gwella eich sgiliau? Mae modd i'r prosiect eich helpu i wneud hyn a'ch galluogi i ddysgu ar gyflymder sy'n gyfleus i chi.
Cyrsiau
Popty araf
Dechrau defnyddio popty araf
Cyfle i ddysgu sut mae coginio bwyd bendigedig sy'n llawn maeth heb wario gormod o arian. Bydd y cynhwysion a'r offer yn cael eu darparu.
2 awr / 4 wythnos - Ystafell Ddosbarth
Cyflwyniad ar fod yn gymorth i blentyn sydd ag anghenion dysgu ychwanegol.
Ar agor i bawb. Cewch ddysgu strategaethau sy'n helpu gydag anghenion ymddygiad a sut i gyflwyno ymyriadau ymddygiad a thechnegau dad-ddwysáu a'u rhoi ar waith. Bydd Deddf ADY 2021 yn cael ei thrin a’i thrafod yn ogystal â’r newidiadau yn ei sgil i dermau addysgol.
2 awr / 4 wythnos - Ystafell Ddosbarth
Cyflwyniad i Reoli Straen
Esboniad ynghylch pam rydyn ni'n profi straen, a ffyrdd o dawelu meddyliau a theimladau negyddol. Yn rhan o hyn bydd cyfle i drafod sut mae diet iach, ymarfer corff ac ymarferion anadlu a meddylgarwch yn gallu helpu i leihau straen.
2 awr / 4 wythnos - Ystafell Ddosbarth
Therapi Lego
Cyfle i ddatblygu'r sgiliau sydd eu hangen arnoch i helpu plant i weithio gyda'i gilydd i ddatrys heriau. Yn y sesiwn llawn hwyl yma, cewch ddysgu sut i gefnogi plant o ran datblygu sgiliau cyfathrebu, rhyngweithio cymdeithasol, cymryd tro a datrys problemau. Sesiynau ar gyfer oedolion yn unig
2 awr / 4 wythnos - Ystafell Ddosbarth
Sut mae plant yn dysgu drwy chwarae/gemau
Cewch ddysgu sut mae bod yn gymorth i blant o ran dysgu drwy chwarae a gemau; bydd hyn yn paratoi plant ifainc ar gyfer yr ysgol. Cwrs sy'n annog y dychymyg ac yn gymorth o ran sgiliau llythrennedd a rhifedd. Adnoddau ar gael.
2 awr / 4 wythnos - Ystafell Ddosbarth
Cyllid o ddydd i ddydd
Cyfle i nodi’r gwahanol fathau o incwm, nodweddion cyfrifon cynilo, gwahanol fathau o wario, opsiynau o ran benthyg, a threth incwm. Cyfle hefyd i ddeall y gwahaniaeth rhwng gwahanol gyfrifon, cyfriflenni banc, termau byd cyllid a chyfloglenni.
2 awr / 4 wythnos - Ystafell Ddosbarth
Deall Hunangyflogaeth
Cyfle i nodi'r gwahaniaeth a gwybod lle i ddechrau arni. Byddwch hefyd yn dod yn fwy effro i'r elfennau treth ac yn dysgu sut i farchnata eich cwmni.
2 awr / 4 wythnos - Ystafell Ddosbarth
Sgiliau Mathemateg Gweithredol
Mae prif themâu mathemateg yn cael eu trafod yn rhan o'r cwrs, megis rhifau, ffracsiynau, degolion, canrannau a chymarebau. Byddwch chi'n dysgu sut i roi’r sgiliau yma ar waith yn eich bywyd bob dydd, wrth ymdrin â materion megis cyllidebu, mesur, cynllunio a datrys problemau.
2 awr / 13 wythnos - Rhith OR Ystafell Ddosbarth
Microsoft Excel
Dechreuwr / Canolradd: 1 awr yr wythnos am 4 wythnos Uwch: 1 awr yr wythnos am 8 wythnos (Opsiwn ar gael: 2 awr yr wythnos am 4 wythnos)
Dewch i feithrin eich hyder wrth ymdrin â nodweddion a fformiwlâu Microsoft Excel
Ar-lein NEU yn yr Ystafell Ddosbarth
Mathemateg Cyn TGAU
Cwrs paratoi ar gyfer arholiadau TGAU mathemateg. Bydd y cwrs yma'n canolbwyntio ar ddatblygu'r sgiliau rhifyddeg ac algebra sydd eu hangen i gwblhau'r cwrs TGAU mathemateg.
2 awr yr wythnos am 30 wythnos
Deall Trawma
Deall beth yw trawma a'i effaith ar berson. Sut mae modd i drawma effeithio ar ymddygiad, a dysgu strategaethau newydd i ddelio â'i effeithiau.
2 awr / 4 wythnos - Rhithwir neu yn yr Ystafell Ddosbarth
Rheoli Arian
Gwella eich sgiliau rheoli arian y cartref, deall a herio biliau, cymharu prisiau bwyd a nwyddau cartref eraill, a chwilio am y cyflenwyr ynni gorau, gan wneud arbedion. Eich galluogi i wneud penderfyniadau ariannol gwell
2 awr / 4 wythnos - Rhithwir neu yn yr Ystafell Ddosbarth
Cysylltwch â Thîm Lluosi RhCT
Ffôn: 01443 570077
E-bost: Mulitply@rctcbc.gov.uk