Mae Partneriaeth Natur Leol RhCT, a sefydlwyd ym 1998, yn cynnwys partneriaid gwybodus ac angerddol iawn o ran bywyd gwyllt y sir. Mae'r bartneriaeth yn cynnwys Cyngor Bwrdeistref Sirol Rhondda Cynon Taf, Cyfoeth Naturiol Cymru, Ymddiriedolaeth Natur De a Gorllewin Cymru, Ymddiriedolaeth Afonydd De-ddwyrain Cymru a llawer yn rhagor. Rydyn ni'n cydweithio i gynllunio a gweithredu dros fyd natur yn yr ardal. Mae modd i unrhyw un ddod yn aelod.
Prif nod y bartneriaeth yw 'gwarchod a chyfoethogi bioamrywiaeth Rhondda Cynon Taf' a byddwn ni'n gwneud hyn drwy'r canlynol:
- Codi ymwybyddiaeth o fioamrywiaeth yn RhCT
- Cofnodi bioamrywiaeth RhCT
- Diogelu bioamrywiaeth RhCT
- Rheoli ardaloedd er budd bioamrywiaeth RhCT.
Os oes gyda chi ddiddordeb mewn dysgu rhagor am y Bartneriaeth Natur Leol, ewch i’n gwefan Gweithredu dros Natur neu wefan Partneriaeth Natur Leol.
Mae modd i chi ein dilyn ni ar Facebook.
Hoffech chi ymuno â'r Bartneriaeth Natur Leol? E-bostiwch Bioamrywiaeth@rctcbc.gov.uk.