Sut rydyn ni'n defnyddio'ch gwybodaeth bersonol at ddibenion Gofal a Chymorth
Mae'r Cyngor yn darparu gwasanaethau ar gyfer cymunedau lleol a'r bobl sy'n byw ynddyn nhw. Mae cynnal y gwaith yma'n golygu bod rhaid i ni gasglu a defnyddio gwybodaeth am y bobl rydyn ni'n darparu gwasanaethau ar eu cyfer nhw a chadw cofnod o'r gwasanaethau yna. O ganlyniad i gasglu a defnyddio gwybodaeth bersonol am unigolion, mae rhaid i ni sicrhau eu bod nhw'n gwybod beth yw'n bwriad ni o ran defnyddio a rhannu eu gwybodaeth.
Rydyn ni wedi crynhoi yn yr hysbysiad preifatrwydd yma rai o'r ffyrdd allweddol rydyn ni'n defnyddio'ch gwybodaeth bersonol at ddibenion Gofal a Chymorth. Dylech chi ddarllen yr wybodaeth yma a hefyd hysbysiad preifatrwydd corfforaethol y Cyngor.
1. Pwy ydyn ni, beth rydyn ni'n ei wneud.
Mae'r gwasanaeth yn gweithio gydag oedolion sy'n agored i niwed ac oedolion sydd ag anghenion cymhleth er mwyn cynnal
- Asesiad Gofal Cymdeithasol
- Asesiad Galluedd Meddwl
- Cynllunio ac adolygu gofal a chymorth
- Cynllunio ac adolygu gofal a thriniaeth (ar gyfer pobl hŷn ag anghenion iechyd meddwl)
- Comisiynu gofal a chymorth
- Gwasanaethau cymdeithasol gan gynnwys diogelu
Mae'r gwasanaeth yn gweithio i gyrraedd y nodau canlynol
- Sicrhau bod yr unigolion a’u hanghenion yn ganolog i’w gofal, a rhoi llais a rheolaeth i bobl o ran sicrhau’r deilliannau a fydd yn eu helpu i sicrhau'u lles.
- Cefnogi pobl ag ymyriadau sy'n lleihau'r angen am gymorth critigol a gwella eu hannibyniaeth.
- Cyd-weithio ag unigolion ac adeiladu ar y pethau da sydd eisoes yn gweithio ym mywydau pobl.
Mae'n ddyletswydd ar y gwasanaeth i gydymffurfio â'r Gyfraith a gweithio i ofynion penodol y canlynol:
- Deddf Gwasanaethau Cymdeithasol a Llesiant (Cymru)
- Ddeddf Galluedd Meddyliol 2005
- Deddf Iechyd Meddwl 1983
- Mesur Iechyd Meddwl 2010
2. Pa fath o wybodaeth bersonol rydyn ni'n ei chadw ac am bwy?
Mae modd i'r wybodaeth amdanoch chi rydyn ni'n ei chasglu wrth gynnal asesiad o'ch anghenion gynnwys, ond nid yw'n gyfyngedig i:
Chi
- Enw
- Cyfeiriad
- Dyddiad Geni
- Manylion cyswllt gan gynnwys rhifau ffôn a chyfeiriadau e-bost
- Manylion eich meddyg teulu
- Manylion am eich anghenion gofal a chymorth a sut y dylid diwallu'r rhain
Eich teulu/cynhalwyr
- Enw
- Cyfeiriad
- Manylion cyswllt gan gynnwys rhifau ffôn a chyfeiriadau e-bost
- Manylion unrhyw anawsterau y gallech fod wedi gorfod diwallu anghenion aelod o'ch teulu.
Er mwyn sicrhau ein bod yn deall eich holl anghenion, mae'n bosibl bydd raid i ni ofyn i chi, eich teulu a gweithwyr proffesiynol iechyd a gofal cymdeithasol eraill am wybodaeth bersonol a sensitif iawn amdanoch chi. Bydd hyn yn cynnwys, ond nid yw'n gyfyngedig i:
- Gwybodaeth am unrhyw gyflyrau iechyd, gan gynnwys meddyginiaeth
- Anghenion ymataliaeth
- Diddordebau cymdeithasol, diddordebau, anghenion crefyddol a diwylliannol (os yw'n addas)
- Cartref, a sut mae'ch cartref yn diwallu'ch anghenion
- Rôl y teulu a sut maen nhw'n eich cefnogi chi
3. O ble mae'r gwasanaeth yn cael fy ngwybodaeth?
Mae modd i ni dderbyn eich gwybodaeth bersonol mewn nifer o ffyrdd, a allai gynnwys, ond nid yw'n gyfyngedig i:
- Atgyfeiriadau gan garfan Un Pwynt Mynediad y Cyngor
- Gweithwyr proffesiynol iechyd a gofal cymdeithasol eraill, er enghraifft nyrsys ardal, wardiau ysbyty, nyrsys seiciatryddol, meddygon teulu, Therapyddion Galwedigaethol ac ati
- Sefydliadau trydydd parti, er enghraifft, darparwyr gofal cartref, darparwyr cartrefi gofal, awdurdodau lleol eraill ac ati
- Chi a'ch teulu
4. Beth fyddwn ni'n ei wneud gyda'ch gwybodaeth bersonol?
Byddwn ni'n defnyddio'r wybodaeth sy'n cael ei darparu i ni i sicrhau bod eich asesiad yn gynhwysfawr ac i sicrhau ein bod yn mynd i'r afael â'ch amgylchiadau mewn ffordd gyfannol
5. Beth yw'r sail gyfreithiol o ran defnyddio'r wybodaeth yma?
Mae deddf Diogelu Data yn dweud ein bod ni'n cael defnyddio a rhannu gwybodaeth bersonol dim ond pan fo rheswm priodol a chyfreithlon dros wneud hynny.
Mae ein sylfaen gyfreithlon ar gyfer prosesu gwybodaeth bersonol er mwyn cynnig gwasanaeth cymorth yn y cartref i chi ac i fodloni gofynion y Rheoliad Diogelu Data Cyffredinol (GDPR) fel a ganlyn:
Gwybodaeth Bersonol:
Erthygl 6 1. (c), (e) - i gyflawni ein rhwymedigaethau cyfreithiol a statudol o dan:
- Deddf Gwasanaethau Cymdeithasol a Llesiant (Cymru)
- Ddeddf Galluedd Meddyliol 2005
- Deddf Iechyd Meddwl 1983
- Mesur Iechyd Meddwl 2010
Gwybodaeth Categori Arbennig (h.y. gwybodaeth am hil, tarddiad ethnig, gwleidyddiaeth, crefydd, aelodaeth undeb llafur, geneteg, biometreg, iechyd, bywyd neu gyfeiriadedd rhyw):
Erthygl 9 2. (g) - i gyflawni ein rhwymedigaethau cyfreithiol a statudol o dan:
- Deddf Gwasanaethau Cymdeithasol a Llesiant (Cymru)
- Ddeddf Galluedd Meddyliol 2005
- Deddf Iechyd Meddwl 1983
- Mesur Iechyd Meddwl 2010
Erthygl 9 2.(h) - Cefnogi darparu meddygaeth ataliol neu alwedigaethol, diagnosis meddygol, darparu triniaeth iechyd neu ofal cymdeithasol neu reoli systemau a gwasanaethau iechyd a gofal cymdeithasol.
Sylwch, er bod modd i ni ddarparu gwybodaeth i chi am rannu eich gwybodaeth bersonol ag eraill sy'n ymwneud â'ch gofal, dyw caniatâd ddim yn sylfaen gyfreithlon ar gyfer prosesu'ch gwybodaeth o dan y gyfraith diogelu data.
6. Ydy'r gwasanaeth yn rhannu fy ngwybodaeth bersonol ag unrhyw sefydliad arall?
Er mwyn rhoi’r gofal a’r cymorth sydd eu hangen arnoch chi, bydd angen i ni rannu eich gwybodaeth chi â gwasanaethau / sefydliadau / gweithwyr iechyd proffesiynol eraill, yn dibynnu ar eich anghenion. Mae'r rhain yn cynnwys, ond nid yn gyfyngedig i:
Mewnol
- Cymorth yn y cartref
- Gwasanaeth Byw Bywyd yn Annibynnol
- Trafnidiaeth
- Hamdden
- Gofal preswyl
- Ailalluogi a Gofal Canolraddol
- Gofal Oriau Dydd
- Gwasanaeth codi tâl am ofal preswyl a dibreswyl
- Gwasanaethau Materion y Synhwyrau
- Therapydd Galwedigaethol yn y Gymuned
- Cyngor ar faterion Tai
- Cefnogi Pobl
- Gwasanaeth prynu a chomisiynu (brocer gofal yn y cartref)
- Adran Gyfreithiol
- Cynllun Cynnal y Cynhalwyr
Allanol
- Meddygon Teulu
- Seiciatrydd
- Nyrs Seiciatrig Gymunedol
- Clinig Cof
- Carfan ymyrraeth dementia arbenigol
- Staff ysbyty
- Nyrsys ardal
- Therapydd Galwedigaethol
- Ffisiotherapyddion Iechyd
- Darparwyr Gofal yn y Cartref
- Darparwyr Cartrefi Gofal
- Y Gwasanaeth Prawf
- Yr Heddlu
- Y Llysoedd
- Darparwyr Tai
- Canolfan Byw Annibynnol DEWIS
- Darparwyr trydydd sector (e.e. Ymddiriedolaeth Gofalwyr, Age Connect, Care and Repair, Cymdeithas Alzheimers, Friendly Trust ac ati)
- Sefydliadau allanol rydyn ni'n eu comisiynu i gyflawni gwaith ar ein rhan.
Mae gyda ni hefyd ddyletswydd i rannu unrhyw bryderon sydd gyda ni ynglŷn â diogelwch a / neu les unigolyn sy'n agored i niwed i'r garfan Diogelu Oedolion
7. Am faint o amser bydd fy ngwybodaeth yn cael ei chadw?
Mae cofnodion sy'n ymwneud ag Oedolion yn cael eu cadw at ddibenion gweinyddol am o leiaf 7 mlynedd ar ôl i'w cysylltiad ag unrhyw wasanaeth gofal cymdeithasol ddod i ben.
Mae cofnodion am anghenion iechyd unigolyn yn cael eu cadw am o leiaf 10 mlynedd ar ôl i'w gysylltiad ag unrhyw wasanaeth gofal cymdeithasol ddod i ben.
8. Eich gwybodaeth, eich hawliau
Mae'r Rheoliad Cyffredinol ar Ddiogelu Data yn rhoi hawliau pwysig i chi, gan gynnwys yr hawl i gael gweld yr wybodaeth bersonol mae'r gwasanaethau yn ei chadw amdanoch chi.
Cliciwch yma am ragor o wybodaeth am eich hawliau gwybodaeth a sut i'w defnyddio nhw.
9. Cysylltu â ni
Os oes gyda chi unrhyw bryderon neu os ydych chi eisiau rhagor o wybodaeth am sut mae'r gwasanaeth yn defnyddio eich gwybodaeth bersonol, cysylltwch â ni gan ddefnyddio un o'r dulliau isod:
Adborth Cwsmeriaid
Cyngor Bwrdeistref Sirol Rhondda Cynon Taf
Bronwydd
Y Porth
CF39 9DL
neu
Pennaeth Gofal a Chymorth i Oedolion
Tŷ Elái,
Ystad Ddiwydiannol Dinas Isaf,
Trewiliam, Tonypandy, CF40 1NY