A ninnau'n Awdurdod Llifogydd Lleol Arweiniol Rhondda Cynon Taf, rydyn ni'n gweithio i leihau effaith llifogydd ac i sicrhau cyllid i ddylunio a chyflawni cynlluniau a fydd yn helpu i leihau'r perygl o lifogydd i gartrefi a busnesau. Mae'r cynlluniau yma'n cael eu galw'n gynlluniau lliniaru llifogydd.
Mae cynlluniau lliniaru llifogydd yn helpu i adeiladu ein gallu i wrthsefyll y newid yn yr hinsawdd a chreu cymunedau mwy diogel. Maen nhw hefyd yn rhan o Strategaeth Rheoli Perygl Llifogydd Lleol a Chynllun Gweithredu ehangach y Cyngor, y mae modd bwrw golwg arnyn nhw yma.
Mae gan Gyngor Bwrdeistref Sirol Rhondda Cynon Taf un o'r rhaglenni cyfalaf rheoli perygl llifogydd mwyaf o blith unrhyw awdurdod lleol yng Nghymru. Mae cynlluniau yn amrywio o fân welliannau i geuffosydd, i gynlluniau lliniaru llifogydd lleol mwy cymhleth i ymyriadau rheoli llifogydd naturiol.
Daw mwyafrif y cyllid ar gyfer rheoli perygl llifogydd yng Nghymru gan Lywodraeth Cymru drwy grantiau cyfalaf a refeniw. Am ragor o wybodaeth am sut mae cynlluniau lliniaru llifogydd yn cael eu hariannu a'u blaenoriaethu yn Rhondda Cynon Taf a ledled Cymru, bwriwch olwg ar Adran 9 Strategaeth Rheoli Perygl Llifogydd Lleol a Chynllun Gweithredu'r Cyngor.
Mae'r tabl canlynol yn amlinellu nifer y cynlluniau sydd wedi'u cwblhau a'r cynlluniau sydd dal ar waith:
Mae Cynlluniau Lliniaru Llifogydd yn cael eu comisiynu a'u rheoli ar sail prosiectau unigol. Mae prosiectau'n symud ymlaen trwy wahanol gyfnodau, gan ddechrau gyda rhag-ddichonoldeb yna dichonoldeb, dylunio a datblygu ac yn olaf, adeiladu.
Mae modd bwrw golwg ar Gynlluniau Lliniaru Llifogydd Cyngor Bwrdeistref Sirol Rhondda Cynon Taf drwy fynd i'n gwefan drwy glicio ar y dolenni uchod.