Am ragor o wybodaeth neu i ddod yn aelod o'r cylch trafod, ffoniwch y Garfan Amrywiaeth a Chynhwysiant ar 01443 444529 neu e-bostio cydraddoldeb@rctcbc.gov.uk.
Ydych chi'n byw yn RhCT ac ag anabledd, yn niwro-amrywiol, neu ag anabledd anweladwy neu gyfrifoldeb gofalu? Oes gennych chi ddiddordeb mewn materion anabledd? Ymunwch â'r fforwm materion anabledd!
Mae Cylch Trafod Materion Anabledd y Cyngor yn grŵp aelodaeth sy'n agored i holl drigolion Rhondda Cynon Taf sydd ag anabledd, cyfrifoldeb gofalu neu'r rhai sydd â diddordeb mewn materion anabledd neu faterion hygyrchedd.
Mae Cylch Trafod yma'n gyfle i leisio eich pryderon ynghylch rhwystrau rydych chi'n eu hwynebu wrth fanteisio ar wasanaethau'r Cyngor neu broblemau hygyrchedd ledled Rhondda Cynon Taf. Rydyn ni'n croesawu eich syniadau ar sut i wella gwasanaethau'r Cyngor hefyd.
Cynhelir sawl cyfarfod bob blwyddyn, a’r cadeirydd yw’r Cynghorydd Maureen Webber, Dirprwy Arweinydd Cyngor Rhondda Cynon Taf. Dyma fanylion y cyfarfodydd nesaf:
- Cylch Trafod Materion Anabledd RhCT ar y cyd: 10 Hydref 2024, 10.30am – 12pm yn YMa, Stryd Taf, Pontypridd, CF37 4TS.
- Cylch Trafod Materion Anabledd Cwm Cynon: 7 Tachwedd 2024, 11.45am – 1.15pm yn Cynon Linc, Stryd Seymour, Aberdâr, CF44 7BD.
- Cylch Trafod Materion Anabledd Cwm Rhondda: 21 Tachwedd 2024, 10.30am – 12pm yng Nghanolfan Hamdden Cwm Rhondda Fach, Stryd y Dwyrain, Tylorstown, Cwm Rhondda, CF43 3HR.
- Cylch Trafod Materion Anabledd Taf-elái: 5 Rhagfyr 2024, 10.30am – 12pm yng nghanolfan YMa, Stryd Taf, Pontypridd, CF37 4TS.
Rydyn ni am wneud yn siŵr bod gwasanaethau'r Cyngor mor hygyrch a chynhwysol ag sy'n bosibl a byddwn ni'n defnyddio'r cyfarfodydd i wneud y canlynol;
• gwrando ar eich adborth
• gwahodd siaradwyr gwadd perthnasol i fynd i'r afael â'ch pryderon
• ymgynghori â chi ar amrywiol gynigion y Cyngor
• rhannu'r wybodaeth ddiweddaraf i chi.