Mae'r Cyngor wrthi'n cynnal Adolygiad Cymunedau mewn perthynas ag ardal Prif Gyngor Rhondda Cynon Taf.
Cam cyntaf yr adolygiad yw gofyn i bawb sydd â diddordeb ystyried y ffiniau cymunedol presennol a chyflwyno eu barn ar unrhyw newidiadau sydd eu hangen i greu cymunedau sy'n darparu ar gyfer llywodraethu effeithiol a chyfleus ar lefel leol.
Bydd yr holl sylwadau'n cael eu trafod a byddwn ni'n cyhoeddi Adroddiad Cynigion Drafft ac yn cynnal ymgynghoriad mewn perthynas â’r cynigion hynny. Bydd yr holl sylwadau'n cael eu trafod a byddwn ni'n cyflwyno Argymhellion Terfynol i Weinidogion Llywodraeth Cymru.
Yna, os yw'n briodol, bydd Gweinidogion Llywodraeth Cymru yn rhoi'r argymhellion yma ar waith, naill ai fel y'u cyflwynwyd, neu gydag addasiadau.
Bydd y cyfnod ymgynghori cychwynnol yn dechrau ar 15 Gorffennaf 2024 ac yn dod i ben ar 30 Awst 2024.
I gymryd rhan yn yr ymgynghoriad yma, anfonwch eich sylwadau drwy'r dulliau canlynol:
E-bost: AdolygiadCymunedau@rctcbc.gov.uk
Drwy'r post: Gwasanaethau Etholiadol, 10-12 Heol Gelliwastad, Pontypridd, CF37 2BW
Byddwn ni ond yn gallu ystyried sylwadau sy’n cael eu cyflwyno yn ystod cyfnod yr ymgynghoriad. Nodwch y byddwn ni'n cyhoeddi pob sylw sy’n cael ei chyflwyno yn llawn. Bydd manylion personol sydd wedi’u nodi ar sylwadau sydd wedi'u derbyn gan aelodau'r cyhoedd yn cael eu cuddio, a bydd modd gweld enwau ar sylwadau sy’n cael eu cyflwyno gan unigolion yn rhinwedd eu swyddi.
Cliciwch yma i weld Canllawiau Arolygon Cymunedol y Comisiwn sydd wedi'u diweddaru a Chanllawiau Hawdd eu Darllen.
Hoffech chi wybod rhagor am gymunedau? Gwyliwch y fideo yma.
Mae modd cyrchu a lawrlwytho dogfennau'n ymwneud â cham cychwynnol yr adolygiad o'r dudalen Amserlen a Dogfennau, gan gynnwys a tabl â manylion y trefniadau yma a mapiau o bob cymuned.
Bwriwch olwg ar yr amserlen adolygu a'r dogfennau ategol.