Sut rydyn ni'n defnyddio'ch gwybodaeth bersonol at ddibenion cyflawni Grant Cyfleusterau i'r Anabl drwy Grantiau Tai'r Adran Adfywio a Datblygu
Mae'r Cyngor yn darparu gwasanaethau ar gyfer cymunedau lleol a'r bobl sy'n byw ynddyn nhw. Wrth wneud y gwaith yma, rhaid i ni gasglu gwybodaeth am y bobl rydyn ni'n darparu gwasanaethau ar eu cyfer nhw, defnyddio'r wybodaeth yma, a chadw cofnod o'r gwasanaethau yma. O ganlyniad i gasglu gwybodaeth bersonol am unigolion, a'i defnyddio, rhaid i ni sicrhau eu bod nhw'n gwybod beth rydyn ni am ei wneud gyda'r wybodaeth yna, a gyda phwy y mae hawl gyda ni i'w rhannu.
Rydyn ni wedi crynhoi yn yr hysbysiad preifatrwydd yma rai o'r prif ffyrdd rydyn ni'n defnyddio'ch gwybodaeth bersonol at ddibenion Strategaeth Materion Tai a Buddsoddi. Dylech chi ddarllen yr wybodaeth yma yn ogystal â hysbysiad preifatrwydd corfforaethol y Cyngor.
1. Pwy ydyn ni? Beth ydyn ni'n ei wneud?
Mae'r Garfan Grantiau Tai yma i roi cymorth i drigolion RhCT wrth iddyn nhw gyflwyno cais am grant gorfodol Cyfleusterau i'r Anabl Llywodraeth Cymru.
Mae'r Grant Cyfleusterau i'r Anabl ar gael ar gyfer cynnal ystod o waith mewn cartref person anabl a fydd yn ei helpu i barhau i fyw'n annibynnol yn y cartref.
2. Pa fath o wybodaeth bersonol rydyn ni'n ei chadw ac am bwy?
Wrth wneud cais am Grant Cyfleusterau i'r Anabl, byddwn ni'n cadw'ch gwybodaeth bersonol i brosesu'r cais.
Mae'r mathau o wybodaeth y byddwn yn eu cadw ac fel arfer yn eu prosesu yn cynnwys:
- Enw a chyfeiriad
- Gwybodaeth gyswllt gan gynnwys rhif ffôn symudol neu rif ffôn tŷ a chyfeiriad e-bost
- Dyddiad geni
- Rhif Yswiriant Gwladol
- Manylion Cyfrif Banc (er mwyn talu'r grant)
- Tystiolaeth eich bod yn berchen ar y tŷ/yr eiddo, neu yn denant yn y tŷ/yr eiddo
- Gwybodaeth bersonol arall wedi'i chyflwyno'n dystiolaeth i gefnogi'ch cais am grant
- Manylion unigolion eraill sy'n gysylltiedig â'ch cais. Gall hyn gynnwys eich partner a phobl eraill sy'n byw yn eich cartref.
- Hawl i gael budd-daliadau a gwybodaeth ategol
- Gwybodaeth am eich incwm
Efallai byddwn ni'n derbyn/casglu'r wybodaeth ganlynol gan eraill i gefnogi'ch cais:
- Tystiolaeth eich bod yn berchen ar y tŷ/yr eiddo, neu yn denant yn y tŷ/yr eiddo
- Cadarnhad o'ch hawl i ostyngiad yn Nhreth y Cyngor
- Cadarnhad o'ch Rhif Yswiriant Gwladol
- Prawf hunaniaeth (er enghraifft, ond heb ei gyfyngu i; pasbort, trwydded yrru, bil cyfleustodau ac ati)
3. O ble mae'r gwasanaeth yn cael fy ngwybodaeth?
Mae'r gwasanaeth yn cael eich gwybodaeth o nifer o ffynonellau:
- Unrhyw wybodaeth sy'n dod i law gennych chi/ amdanoch gan y Garfan Un Man Cyswllt neu'r Therapydd Galwedigaethol
- Chi, yr ymgeisydd, ar ôl i chi lenwi'r ffurflen gais am grant
- Ymholiadau dros y ffôn, drwy e-bost a/neu drwy lythyr
- Chwiliadau y Gofrestrfa Tir
- Meysydd gwasanaeth eraill sy'n rhan o'r Cyngor e.e. Treth y Cyngor, Budd-daliadau Tai
4. Beth fyddwn ni'n ei wneud gyda'ch gwybodaeth bersonol?
Er mwyn prosesu'ch cais am grant ac asesu'ch cymhwysedd i dderbyn y cyllid grant, fe wnawn ni'r canlynol:
- Rhoi cyngor cyn i chi gyflwyno cais
- Gwirio gydag adrannau eraill y Cyngor, e.e. Adran Treth y Cyngor, er mwyn asesu eich cymhwysedd
- Trafod unrhyw/pob agwedd ar y broses grant gyda chi
- Asesu a chymeradwyo a gwneud taliadau sy'n ymwneud â'ch cais am Gymorth Grant
- Gwneud taliad i chi neu'r contractwr o'ch dewis mewn perthynas â'ch cais am grant. Gall hyn gynnwys adeiladwr, trydanwr, plymwr, pensaer, ac ati.
- Casglu adborth gan gwsmeriaid mewn perthynas ag effaith y grant, a'i adrodd yn ôl i Lywodraeth Cymru
- Casglu adborth gan gwsmeriaid mewn perthynas â'r broses ymgeisio ac os hoffech chi gymryd rhan wrth hyrwyddo'r cynllun (gan gynnwys adroddiadau mewnol/allanol a/neu'r cyfryngau cymdeithasol)
5. Beth yw'r sail gyfreithiol o ran defnyddio'r wybodaeth yma?
- Deddf Grantiau Tai, Adeiladu ac Adfywio 1996
- Rheoliadau Grantiau Adnewyddu Tai
6. Ydy'r gwasanaeth yn rhannu fy ngwybodaeth bersonol ag unrhyw sefydliad arall?
Bydd angen gwybodaeth ychwanegol ar y Garfan Grantiau Tai i brosesu'ch cais am grant. Byddwn ni'n rhannu eich gwybodaeth bersonol gyda:
Adrannau eraill y Cyngor:
- Treth y Cyngor
- Adran Budd-daliadau Tai
- Gwasanaethau Cyfreithiol
- Cyllid
Unigolion eraill:
- Datblygwyr, Adeiladwyr, Penseiri
- Eich cynrychiolwyr cyfreithiol
- Eich asiant/cynrychiolydd
- Llywodraeth Cymru
7. Am ba mor hir caiff fy ngwybodaeth ei chadw?
Byddwn ni dim ond yn cadw eich gwybodaeth bersonol cyhyd ag y bydd arnon ni ei hangen i ddarparu'r gwasanaeth perthnasol ac i fynd i'r afael ag unrhyw gwestiynau neu gwynion sy'n dod i law am hyn. Byddwn ni'n gwneud hyn am 10 mlynedd.
8. Eich gwybodaeth, eich hawliau
Mae'r Rheoliadau Diogelu Data Cyffredinol yn rhoi hawliau pwysig i chi, gan gynnwys yr hawl i gael gweld yr wybodaeth bersonol mae'r gwasanaethau yn ei chadw amdanoch chi.
Cliciwch yma am ragor o wybodaeth am eich hawliau o ran gwybodaeth a sut i'w defnyddio nhw.
9. Cysylltu â ni
Os oes unrhyw bryderon gyda chi neu os ydych chi eisiau gwybod rhagor am sut rydyn ni'n trin eich gwybodaeth bersonol, mae modd i chi gysylltu â ni gan ddefnyddio'r dulliau isod:
E-Bost: grantiautai@rctcbc.gov.uk
Ffoniwch: 01443 281118
Anfonwch lythyr:
Adran Adfywio a Datblygu
Buddsoddiadau a Grantiau Tai
Tŷ Sardis
Heol Sardis
Pontypridd
CF37 1DU